ACTIVIDADES ORDINARIAS DO CONSELLO GALEGO DE RELACIÓNS LABORAIS PARA O ANO 2025
O Pleno do Consello, en xuntanza telemática do 13/02/2025, aprobou, por unanimidade, as actividades a levar a cabo polo organismo no ano 2025. A relación de actividades é orientativa e pode modificarse ou ampliarse ao longo do ano por acordo da Comisión Permanente, do que se dará conta posteriormente ao Pleno.
ACTIVIDADES NA ÁREA DE NEGOCIACIÓN COLECTIVA
- Recomendación de axilidade na constitución das mesas negociadoras.
- Impulso e promoción da negociación colectiva no ámbito da CA de Galicia.
- Asistencia técnica a mesas de negociación e comisións paritarias, incluíndo: a posta ao disposición de salas e medios materiais para a negociación, efectuar convocatorias a petición de parte, levantamento de actas, ofrecemento de cláusulas tipo, asesoramento técnico e xurídico, ofrecemento do Consello como sede das comisión paritarias, información sobre ámbito de aplicación de convenios, así como todo aquelo que poida ser de axuda e utilidade para as partes negociadoras e se poda asumir polo Consello.
- Rexistro de convenios e acordos no REGCON.
- Publicación de todos os acordos marco e convenios colectivos autonómicos que se asinen.
- Elaboración polo Observatorio de negociación colectiva de ditames sobre consultas relativas ao CC aplicable.
- Aprobación de cláusulas tipo polo Observatorio NECOL para incorporar na negociación colectiva
- Elaboración, no seo do Observatorio de Negociación Colectiva, da recomendación para a negociación colectiva.
- Elaboración, no seo do Observatorio de Negociación Colectiva, dun Protocolo de desconexión dixital.
- Elaboración, no seo do Observatorio de Negociación Colectiva, dun Protocolo de actuación que recolla medidas de prevención de riscos especificamente referidas á actuación fronte a catástrofes e outros fenómenos meteorolóxicos adversos
- Elaboración de Informes con datos sobre convenios asinados e revisados e outros acerca da situación da negociación colectiva galega, xunto con información sobre ultraactividade e inaplicacións rexistradas.
- Edición dos Boletíns do Observatorio de Negociación Colectiva.
- Desenvolvemento de funcións de mediación e conciliación por parte da presidenta do Consello e do xefe do Servizo de Solución de Conflitos.
- Seguimento especial e un ofrecemento proactivo dos medios do Consello ás partes negociadoras de convenios colectivos con vixencia expresa esgotada e que se atopen pendentes de renovación.
ACTIVIDADES NA ÁREA DE SOLUCIÓN EXTRAXUDICIAL DE CONFLITOS DE TRABALLO (AGA)
- Difusión da publicación do AGA e ofrecemento dos procedementos extraxudiciais de solución de conflitos colectivos de traballo ás empresas e ás súas organizacións; ás organizacións sindicais e ás comisións negociadoras de convenios colectivos.
- Visitas institucionais ou xornadas formativas de cara á difusión do AGA entre as empresas do tecido económico de Galicia, por exemplo, con asociacións en sectores como pesca, agricultura ou construción.
- Avanzar no desenvolvemento dos traballos e contactos necesarios de cara a análise dos medios materiais e humanos indispensables de cara a posta en marcha no momento oportuno do procedemento extraxudicial de solución de conflitos individuais.
- Prestarase unha especial atención á cumprimentación das enquisas de calidade e satisfacción, así como á análise das mesmas por parte da comisión paritaria do AGA.
- Organizar un encontro de mediadores para a posta en común das principais cuestións que afectan ás mediacións o 27 de marzo
- Elaboración dun Código de Boas Prácticas
- Elaboración de estatísticas relativas aos expedientes promovidos
ACTIVIDADES NA ÁREA DE EMISIÓN DE DITAMES (FUNCIÓN CONSULTIVA DO CONSELLO)
- Emisión de ditames sobre os proxectos normativos que se remitan ao Consello polos órganos da Comunidade Autónoma de Galicia.
- Análise das consideracións manifestadas nos ditames polas organizacións, estudar as aceptadas pola Xunta de Galicia e as non aceptadas e trasladar, de ser o caso, propostas ao órgano competente da Consellería.
- Recompilación dos ditames emitidos en 2024.
ACTIVIDADES NA ÁREA DE FOMENTO DO DEBATE SOCIAL
- Realización do XXI Encontro Galego de Relacións Laborais
- Organización dun encontro coa xudicatura e organismos autonómicos que desenvolvan funcións vencelladas aos procedementos de mediación, no mes de xuño, sobre a mediación intraxudicial e as novidades da LO 1/2025, do 2 de xaneiro, de medidas en materia de eficiencia do Servizo Público de Xustiza.
- Acto de presentación pública do Estudo sobre a influencia da dixitalización nas relacións laborais
- Acto de presentación pública do Estudo sobre os sectores que carecen de convenio colectivo
- Participación do Consello, como colaborador, en foros de debate organizados por asociacións no eido laboral:
-X Xornada sobre dereito social europeo (ASNALA e AEDTSS): 31 de xaneiro
-Congreso Internacional organizado por SIMA – COMPLUTENSE “Solución extraxudicial de conflitos laborais: retos e oportunidades”. A presidenta intervén como relatora na mesa “Experiencias autonómicas de mecanismos de solución autónoma de conflictos laborales”
-Xornada sección galega AEDTSS: Inestabilidade intra-contractual: ferramentas de flexibilidade no marco da contratación laboral típica (28/03)
- Tertulias sobre a intelixencia artificial e a ciberseguridade nas relacións laborais
ACTIVIDADES FORMATIVAS
- VIII edición do Curso de negociación colectiva e individual no ámbito laboral, coa Universidade de Vigo.
- III edición do Curso de especialización en Dereito marítimo-pesqueiro do traballo e da Seguridade Social, coa Universidade de A Coruña.
- Formación e actualización para negociadores de convenios colectivos, coa Universidade de Santiago de Compostela, articulada mediante o sistema de microcredenciais en 3 cursos:
I CURSO: 1,5 ECTS: Habilidades negociais
II CURSO: 1,5 ECTS: Proceso negociador
III CURSO: 2 ECTS: Contidos e cláusulas dos convenios colectivos
- XORNADAS:
- Seminario formativo dirixido a cadros empresariais e sindicais sobre sobre as medidas para a igualdade e non discriminación das persoas LGTBI nas empresas
PUBLICACIÓNS
- Memoria de actividades do ano 2024.
- Informe de negociación colectiva do ano 2024
- Informe da situación sociolaboral de Galicia no ano 2024
- Boletíns de negociación colectiva e de información sociolaboral
- Revista Galega de Dereito Social. Publicación de tres números ordinarios.
- Estudo sobre a influencia da dixitalización nas relacións laborais
- Estudo analizando os ámbitos sectoriais carentes de convenio colectivo en Galicia, incluíndo unha perspectiva de xénero.
OUTRAS CUESTIÓNS DE RELEVANCIA QUE AFECTAN A ACTIVIDADE DO CGRL
- Entrega da nova base de datos de convenios colectivos do Consello Galego de Relacións Laborais. Facer divulgación da mesma en actos do Consello.
- Entrega da nova páxina web: adaptación a formato móvil, área de usuarios privados, presentación dixital de formularios de mediacións/conciliacións...
- Melloras na base de datos de laudos de eleccións sindicais. Establecemento de filtros por materias.
- Mellora da imaxe corporativa e maquetación da RGDS nunha nova plataforma, que supón pasar a formar parte do Rexistro CROSSREF.
- Potenciaranse as canles tecnolóxicas de comunicación con que conta o Consello, sinaladamente a nova páxina web, Twitter e Linkedin.